مراجعة فيلم فضل ونعمة بطولة ماجد الكدواني
فيلم فضل ونعمة هو فيلم كوميدي تم إنتاجه في مصر وصدر في 5 أكتوبر سنة 2022،
كأول عرض في السينمات المصرية والعربية، الفيلم من تأليف أيمن وتار، وإخراج
رامي إمام، وإنتاج تامر مرسي.
قصة فيلم فضل ونعمة
في إطار كوميدي، تدور قصة فيلم فضل ونعمة حول صاحب مطعم يحمل اسم (فضل
ونعمة) يمر بالعديد من المواقف الكوميدية والمفارقات خلال إدارته لهذا
المطعم.
أبطال فيلم فضل ونعمه
فيلم فضل ونعمه بطولة ماجد الكدواني بدور فضل زكريا، هند صبري بدور نعمة، محمود حافظ بدور جاسر، ياسمين العبد ليلي، محمد ممدوح ضيف شرف، بيومي فؤاد بدور بهجت، محمد رضوان بدور المقدم عزت، محمد
شاهين بدور قطب، والطفل إسماعيل الجندي.
مراجعة فيلم فضل ونعمة
القصة بتدور عن فضل ونعمة يؤسسان مشروع شاحنة طعام، هيأتهم البريئة تدفع
فاروق تاجر المخدرات لإخباء صناديق من بضاعته معهم، أصبح فضل ونعمة يوصلان
البضاعة وهما مقتنعان انهما يعملان لدى الشرطة ويؤديان واجب وطني وبنشوف ايه
اللى هيحصل ؟
فيلم فضل ونعمه من نوعية أفلام الكوميديا العائلية وهتفكرنا ب أجواء فيلم
تسليم اهالي وفيلم وقفة رجالة، لأن الفيلم قدر يوفي الضحك وبجرعة كبيرة كمان
من أول الفيلم لاخرة ومواقف كتيره سواء سوء التفاهم أو الجهل من فضل ونعمة
انهما فعلا بيشتغلوا مع تجار المخدرات مش الشرطة.
بنشوف نعمة وهي بتفضح سر العملية السرية وبنشوف فضل وهو بيعاني من ده
وبنشوفهم وهما بيقعوا فى مصايب فى العالم ده سواء كمان مع العصابة أو مع
جيرانهم فى العمارة أو حتى مع ولادهم وفى النهاية الفيلم بيبقى عنده عدد كبير
من الفصول اللى فعلا بتضحك بجد.
شاهد أيضاً←
تحميل فيلم الجريمة 2022 جودة عالية برابط مباشر.. بطولة أحمد عز
والفيلم بيربط كل المواقف دي ب انه بيورينا حياة فضل ونعمة من الفشل للنجاح
سواء قدام نفسهم أو قدام ولادهم أو فكرة التضحية عشان يدعموهم رغم انهم مش
حاسين بالكلام ده، أو بيوريك فكرة النجاح أو الفلوس اللى بتتعمل من حاجات مش
مشروعة كفكرة بتوصل للجيل الجديد، ودة يعود ل 3 عوامل:
كتابة المؤلف ايمن وتار اللى فى رأيي ده أفضل فيلم كتبوا من بعد نادي الرجال
السري وسيناريو متماسك والفيلم مش تافه وقدر يصنع مواقف فعلا تضحك وانها مش
مجرد اسكتشات، وثاني حاجة هو التمثيل والتناغم والكيمياء بين ماجد الكدواني
وهند صبري اللى كانوا ممتازين وفى أفضل أحوالهم الكوميديا على الإطلاق.
لأنهم هيحسسوك انه شبهك او شبه ناس من اهالينا وده اجتماعياً يحسسك انهم
قريبين منك وخصوصاً هند صبري اللى بحس انها عملت أداء كوميدي رائع من ساعة ما
تعاونت مع رامي امام فى مسلسل عايزه اتجوز وده يقودنا لأهم عامل ناجح فى
الفيلم:
وهو الاخراج ل رامي امام، لأنه كان عنده اهتمام على مستوى الصورة والألوان
والتركيز فى التفاصيل سواء فى الملابس أو البوسترات وتفاصيل فى الكدرات فعلاً
تضحكك وقدر يوازن ما بين الاخراج الجيد جدا والإخراج الكوميدي، ويحطه فى
مكانه متقدمة جداً فى واحد من أفضل أفلام المخرج رامي امام.
شاهد أيضاً←
مراجعة فيلم بحبك فيلم العيد 2022.. بطولة تامر حسني وهنا الزاهد
ريفيو فيلم فضل و نعمة
يمكن بس معجبنيش ان فيه بعض الشخصيات مخادتش مساحتها اللى تستحقها لشخصياتها
من ضيوف الشرف زي بيومي فؤاد وسما ابراهيم وشريف الدسوقي رغم انهم ضيوف شرف،
ولكن أفضل ضيوف شرف فى الفيلم هما محمد ممدوح ومحمد رضوان، ومحمد رضوان ممكن
ماعتبروش ضيف شرف وحقيقي واخد مساحة كبيرة وعملها بشكل رائع، ويمكن فيه شوية
ملائمات فى النصف الثاني فى القصة يمكن معجبتنيش.
شاهد أيضاً←
مراجعة فيلم تسليم أهالي.. بطولة دنيا سمير غانم وهشام ماجد
ملاحظات علي فيلم فضل و نعمه
الفيلم فعلا عائلي بأمتياز ومفيهوش نكته واحدة خارجه ودى يمكن مخليني مقدر
الفيلم ده آكتر.
الجوكر وشاهين موجودين فى مشهد فى الفيلم، ويعتبر من اكتر المشاهد الحلوة
وضحكتني.
فى النهاية الفيلم حلو جداً وانبسط فيه وشايفه واحد من أفضل افلام الكوميديا
فى 2022 والفيلم عائلي جدا وأنصح تشوفوه فى السينمات.
شاهد أيضاً←
فيلم أخر نيزك أول فيلم مصري بتقنية المشاهدة 7D.. تعرف علي أبطال
الفيلم
تقييم فيلم فضل ونعمة هند صبري وماجد الكدواني
التقييم النهائي: (8/10).
اعلان فيلم فضل ونعمة بطولة ماجد الكدواني وهند صبري
