منتخب مصر إلى نهائي كأس أمم إفريقيا.. البطولة على بعد خطوة
– مليون مبروك لمنتخبنا الوطني اللي نجح في إقصاء الكاميرون بركلات الترجيح بعد مباراة عصيبة.
– منتخبنا لعب بعد الشوط الأول بشكل ممتاز في معظم أوقات المباراة، وضيعنا اكتر من فرصة محققة، وتغلبنا على ظروف خارجية زي الجو الموتر من الحكم اللي طرد مدرب مصر كارلوس كيروش.
– لعيبة مصر تماسكوا وكانوا على قدر المسؤولية وقدروا يوقفوا مفاتيح لعب الكاميرون وتفوقوا عليهم في اكتر من لقطة وفرصة.
– فخورين بآداء منتخبنا في البطولة، وتحديدا تحية خاصة لتألق حارسنا محمد أبو جبل.
– كلنا وراكم في آخر خطوة على البطولة اللي هتفرح كل المصريين، وبالتوفيق في مباراة النهائي أمام السنغال.
