فيلم ماما حامل من الفشل والحذف من السينمات إلي الأون لاين | الفيلم متاح الأن | مراجعة سريعة
– فى بداية موسم الصيف تم إصدار فيلم ماما حامل وعرضه للمرة الأولي في السينمات لكن الفيلم لم يحقق ايرادات كبيرة و تم استبعاده من السينمات لكن اليوم ومن جديد تم إصدار النسخة الأون لاين من الفيلم.
– الفيلم بيتكلم عن سمية و كامل الاتنين المتجوزين اللى عندهم باسم و عاصم اولادهم و لكن فى يوم من الايام سمية بتكتشف أنها حامل و ده بيخلي باسم و عاصم مجروحين من المجتمع و بيحاولوا يمنعوا الحمل ده.
مراجعة سريعة لفيلم ماما حامل
– الفيلم احداثه خفيفة و حلوة منذ البداية من تعريف الشخصيات لطرح موضوع الفيلم ورسالة الفيلم الخفيفة والفيلم مصنف علي انه فيلم كوميدي.
– ليلي علوى تعتبر ممثلة لطيفة و الممثل بيومي فؤاد يمكن ده من أكثر الأدوار اللى ضحكنى فيها فى الفترة الأخيرة و حمدي المرغني كان لذيذ جدا و ده افضل دور شوفته ليه فى الفترة الأخيرة ومحمد سلام لطيف جدا و يمكن هو الوحيد اللى كان عنده تمثيل و دراما شوية فى الفيلم و ديه نقطه تحسبله لأن أدائه كان كويس جدا و نانسي صلاح كانت لذيذة جدا ولائق عليها الدور وهدى الاتربي كانت حلوة اوى بردوا فى الفيلم والاهم هى الكيميا اللى بينهم اللى كانت كويسه جدا بينهم و بين بعض.
– لؤي السيد و محمود كريم ده رابع عمل يجمعهم هما الاتنين و شايف أن فيه كيميا كويسة اوي بينهم خصوصاً أن أفلامهم اللى فاتت هى افلام كويسة جدا زى ياباني اصلي و رغدة متوحشه و سبع البرمبة لحد ماما حامل و اللى انا شايف خطوة لقدام ليهم و فيلم هيعيش قدام لانه فيلم عائلي كويس جدا .
– ماما حامل هو فيلم عائلى كوميدي كويس جدا لو عاوز تجمع العيلة و تتفرجوا على فيلم و يستحق أنه يتشاف جدا.
